"" الشكوى لغير الله مذله""

السلام عليكم ورحمه الله وبركاته

"" الشكوى لغير الله مذله""

"" لاتشتكي للناس جرحا انت صاحبه لايؤلم الجرح الإ من به ألم ""

** ولكن نحن امةواحدة وجرحنا واحد وما يهمني اكيد يهم ملايين من الذين قلوبهم على الدين

ياجماعه ظاهره تنتشر وتنتشر واقسم بالله هب عارفين شو نسوي؟!!!

" الــــــــجـــــنـــــــــــــس"

صاير هاجس الناس واول كلمه يفكر معظم ابناء المسلمين والعرب ان يدوروا عليها في محركات البحث وهدف كل مراهق _استغفر الله_ ما بس المراهق _الشايب والبنات صغار وكبار

ياخـــــــي لــــــــــــيييش؟!!!

**مواقع تدعو للثقافه الجنسيه اي ثقافه هذةاستغفر الله هذا انحلال وانحدار وتخلف بكل اساليبه

**غرف للدردشه بأسماء فظيعه الواحد يموووت غم اول مايقرأ الاسماء الي يدخلون بها !!

**مواضيع تطرح في منتديات وتناقش بمنتهى الوقاحه مايقولو يمكن يمر من هنا شخص مراهق او بنت ضعيفه عقل او حتى شايب (((يركض حتى مع آخر لحظات حياته)) _ كل هالمواضيع بدعوى شو ؟!_ لو تسألهم ؟! _ بكل براءه يردون عليك هذي ثقافه ؟!!!

**برامج تلفزيونيه يصدم محتواها الخاوي لأصحاب العقول الخاويه تناقش مواضيع سخيفه ((نعم سخيفه)) _ لأن مواضيع مأخوذ خيرها_ستين برنامج ع نفس القناه _ كل يوم نفس المضمون_ نفس النقاش _ بس اسم الحلقه يختلف_

الشي الي يجلط ويرفع الضغط ان يستظيفوا ناس الاسلام برئ منهم فرحانين بنفسهم وبهوايتهم النادره _ يصرحوا ع الهوا مباشره ويتفاخرون نحن كذا وكذا _ وهذي كذا وكذا طامه كبيره عاد _ وين راح الحياء ؟!_ وين راح الخوف من رب العالمين_ بكل سهوله تيحدثوا عن نشاطاتهم الخفيه ويحسسوك انه شي عادي ولا تنصدم وماعرفوا ان هذي كبيره من الكبائر الي جالسين يجاهروا بها بكل جراءه ؟!

بكل تأكيد مافي انسان يرضى ان خواته او اخوانه صغار او كبار يصادف ويدخلون مواقع او شات او يشوفو برنامج تلفزيوني بهذا الانحطاط !!!

الــــــــــــــي متـــــــــــى ؟!!!

اثبتت آخر احصائيات بأكبر محركات البحث العالميه ان العرب هم اكثر الناس بحثا عن كلمه "جنس"!!

يا اااالفضيحه والعاااار

واكثر شي يضحكني الي اتناقش معهم ويقولون لي " ثقافه"

لو تسألهم عن اشيا ثانيه جان لقيتهم اغبى الناس بتفكير سطحي وثقافه صفر_ ماعدا الجنس_ فسبحان الله_ اول مره اعرف ان الثقافه جنس وبس

ثقافه ثقافه ثقافه

واحد عمر 15 سنه يقول لي ثقافه؟!! بنت عمرها 20 سنه تقولي ثقافه؟!! والاجمل من هذي وذاك واحد عمره 39 و40 ومتزوج ومطلق ويقول لي ثقافه؟!

ترا ياجماعه الثفافه لها سن معين و وقت معين يستفسر الإنسان من الي اكبر منه إذا احتاج يعني وانتهى الموضوع مانحتاج مواقع ومنتديات وشات و هالضجه البايخه الي صايره _ والي دخلتنا ف اشياء واضحه نحن في غنى عنها _ صار ما شاء الله عدنا بوياااات وعدنا مادري شسميهم يمكن " جيرلسات" هع هع _ والخير وايد _ وماشي رادع _

**شي يجلب الصداع _ هي افكار غربيه يغرسها الغرب اعداء الإسلام فينا_ والعار والفشيله ان نحن نضحك ونصفق لهم والي يبط مراره الفؤاد ان نساعدهم ونبتكر طرق اسهل بعد عشان نزيد ثقافتنا و نتكلم عن الجنس بكل وقاحه وانفتاح ونطلع ع وسائل الإعلام ونصرح ونتفاخر بدورنا الجنسي البحت وحياتنا البعيده عن ربنا!!

** شريحه كبيره_ كبيره هي الضحيه _ يبحثون عن المتعه ف دنيا فانيه _ وهم مايعرفون إن يبحثون عن اسرع الطرق للنار بهذي الكبائر

** مواقف عديده شفتها كدت اسقطت فيها مغشي علي ولكن لطف ربنا اكبر واوسع_

1_بنات وطالبنات مدارس وفي باص المدرسه يتحدثن الي بعض عن عشق وهيام وتحدق احداهم بكل هيام ف عين الاخرى وقد كسى الاخرى الحياء و... اترفع عن ذكر ماتبقى من ماشاهدت _ حاولت ثنيهم عن ماكان يحدث وكن لاحياه لمن تنادي

بالذمه ماشي يصدم؟! من السبب؟! اليس الانفتاح او مايدعى بالثقافه؟!

2_ شاب طالع ع الهواء وف برنامج تافهه مثله وكاشخ ومتنعي عشان يقول للعالم ويقص لنا حكاياته الغراميه والجنسيه وتفاصيل حياته وروتينه اليومي الي من مجمع الي مجمع ومن بنت الى بنت ويتحدث عن هالامور بكل انفتاحيه_ الله يرحم هالزمن بس_!!

بالذمه ماشي يصدم؟! من السبب من الي وصل هالشاب لهالمرحله؟!! ومن الي دعمه وشجعه؟!

** تمر ع مخيلتي الكثير الكثير من المواقف الي ياناس انا صادفتها مع هالشريحه من الناس!!

_ في بلادن كثيره ومنها بلادي رفعت خريجات احدى كليات او جامعات او معاهد للعلوم الشرعيه خطابا للمسؤليين كتب فيها اقتراح برغبتهم في دخول مجال النصح والوعظ والإرشاد لطالبات المدارس وبدون مقابل _ اي ان يكون امرا تطوعيا _ على ان يحصلو على تصريح يمكنهم من مزاوله هذا النشاط_ ولكن وين؟! مامن دعم ولا تشجيع؟_!

** انا اتكلم من قهر وحرقه ع المستوى الي وصلنا له يا عاااالم نحن نشوووف وانطنش

والي متى ياعزيزي ما لك دور؟!!

تراك يالطيب مسؤول؟!

ومن رأى منكم منكرا فليغيره!!

** ياريت يكون في حمله ضد هالاشياء_وانا اول المبادرين بإذن الله

**ياريت يكون في اقتراح غير التطنيش لأن حرام ناس تضيع بسبب ناس بدون قلب

_ دعوه لكل من قرأ إيميلي ارجوووك خل عندك دوور _ ولو بالقليل _ تراك مسؤل يوم القيامه!!

خالص الود